| Seite davor Gliederungsübersicht Seitenauswahl |
|---|
Wir die rautgeben alle gemainlich reiche und arme des clainen und auch des grossen rats
der stat Augspurg bekennen alle gemainlich und ieder besunder und tun künt fur uns und alle unser nachkomen, das wir auff mitwochen sand Symon und Judas auobende
der hailigen zwelffboten als man zalte nach Cristi geburte tausend vierhundert funfftzig und sechs jare bey ainander in besampnotem rate mit wolbedachtem mute und gutem rechtem wissen unser stat anligende
nottorft und gebrechen davon wir der gantzen gemainde beswerung und gros mercklich künfftig scheden besorgten beraettenlich angesehen und dobey betrachtet haben die gegenwertigen schulden dorein
die stat in dem vergangen kriege mit der gemainen stete veintschafft und auch sunst mit manicherlay aigim sunderm kosten und uszgeben komen und an gelte und barschaft emplosset ist, und haben dagegen
ermessen nachdem der stat uszgeben mer dann das einnemen etwievil jare geweszt ist, dorumb ist gros nottorft zu bedencken wo das uszgeben nit gemynnert und in den stücken der man geraten mag abgetan
würdde, das dann die stat dadurch und wo dann sunst dartzu mer unrats koste und scheden zustünden und die stat so plosz an gelte funden würdde das die stat in soelchen verdürplichen
schaden mochte fallen dorausz soelcher unrate teglichs wachssen würdde, das der stat sobald nit mer oder gar swerlich zu helffen were, als in den sweren landszleuffen manicherlay beswerunge zu besorgen
ist und wir teglich scheden erwartten mussen von den hangenden sachen im kaiserlichen hofe und auch sunst domit wir angefochten werdden, solch der stat künfftig scheden, komer und anligend nottorft
zu bedenncken wir schuldig sind getrewlich und vleissiglich zu ermessen und dawider fürtzunemen, domit der stat gegenwertig schulden nach dem besten nutze one groessern schaden uszgerichte und bezalte
werdden, und das die stat und der gemaine nutze vor künfftigen scheden behuet und uffenthalten und mit geburlicher hilfe und ersparung so loeblich fürsehen
| Seitenauswahl Gliederungsübersicht Seite danach |
|---|