Umbe unrehtiu schaf unde umbe metzen.
Alliu unraehten schaf, ez sin chornschaf oder winschaf, diu hoerent
den vogt an, unde swaz clage daruber kumt daz sol der vogt rihten, unde sol si auch elliu iar ze einem male versuchen, unde swa man diu schaf vindet diu niht gereht sint, da ist man dem vogte schuldic
eins halben phundes, wan ez weder golt noh silber ist. Unde swa man unrehte maetzen vindet, da ist man dem burggrafen schuldic funf schillinge, unde sol si der burggrafe brennen unde der vogt rihten umbe den valsch.