|
Seite davor Seitenauswahl Gliederungsübersicht |
|---|
§ 2 Ist, daz ein gast herkumit mit cramerie oder mit cramgewande, di sal he zumale verkoufen mit einander den cremeren.
§ 3 Ist, daz di cremere die cramerie dingen unde koufen wider den gast, kumit ein burger da zu dem koufe oder ein besezzen man oder wer iz ist, der zu der stat gehort, unde bedarf des cramgewandes icht zu siner spise oder wozu iz ist, daz sullen im di cramer lazen, als iz in geburt, an dem koufe zu rechte ane widerrede. [Hier beginnt S. 251 der Edition]
§ 4 Unde wer ir innunge gewinnet der cremere, der sal einen cram gewinnen oder mieten under den alden cremen, di von alder gewest sin, oder in di nuwen, di di burger gemachet haben, under dem brothus oder under dem dinchus. Uf dem marcte sal zu rechte nimant stehn.
§ 5 Zwene meister sullen si haben; di sullen di burger selbe kisen alle iar. Unde ist, daz si an ichte missetreten, daz sullen sie verbuzen mit achtehalben schillinge, der sullen vumf schillinge den burgeren unde drizic pfenninge den gewerken.
| Gliederungsübersicht Seitenauswahl Seite danach |
|---|