| Seite davor Seitenauswahl Gliederungsübersicht |
|---|
§ 2 Zwene meistere sullen si haben. Di sullen di burger selbe kisen alle iar. Unde ist, daz si icht missetreten an irem werke, also daz si verkoufen schefin leder vor cigin oder cigin leder vor böckinz oder wolden unrechten kouf geben, daz sullen si ouch verbuzen zu rechte. Der buze ist vumf schillinge, der sullen zwenzic pfenninge den burgeren, den meisteren zwenzik pfenninge unde zwencik den gewerken.
§ 3 Ein iklich man, der zu der stat gehort, der mac wol ruwe leder koufen unde verkoufen an innunge.
§ 4 Ein iklich gast mac wol koufen wider einen wirt oder wider einen anderen gast leder unde verkoufen unde uzunde invuren unde tragen ane vare.
§ 5 Ein iklich man, der zu der stat gehort, mac wol lazen leder gerewen zu sime geschude also vil, alse he unde sin gesinde bedarf, mit rechte.
|
Gliederungsübersicht Seitenauswahl Seite danach |
|---|