Vortmer efft dar en man syne dochter utgheve, edder de broder sine sustere, effte eine
vedderen dochteren, vorvörwordet he dat mit deme ghennen, deme he sine dochter edder sine sustere edder sine vedderen dochteren ghifft, in der vrige, dat de ghenne, de[m] he se lavet effte gheven
leth, dat he se kleden schal effte des ghelik jennigerleye sake, dat he er wynnen edder tüghen schal, dar se de ghenne to, de dat deyt unde sik dat laven leth, dat dat van stunden an schee, wente
stervet de vrowesnamen wech eer se dat ghewunnen hefft, so schal de man edder de rechten erven dar nicht van holden, wente he is nicht plichtich en dat wyff to kledende na unseme lantrechte.