Vortmer scholen alle breve unde privilegia de van uns unde unsen vorvaren vorseghelt seyn, bliven unde wesen
vullenkomener macht alzo se alder hoghest vorseghelt syn. Unde vort alle beseghelde breve, de myd vrigen wyllen gheven unde vorseghelt syn, dat sy wat sake dat sy, dar schal neen recht ofte schedinghe
baven ghan. Besunderen utesecht, offte eneme manne syn wiff affstorve, so schal he beholden den oken na inholde des landes, alse dat ghescreven is, unde nicht mer ut doen, alse he mede wunnen heft.